Suiteáil (macOS)

Oibreoidh na clónna i gcnuasach Ghaelchló leis na leaganacha seo a leanas de macOS: 'Big Sur' (11.0), 'Catalina' (10.15), 'Mojave' (10.14), 'High Sierra' (10.13), 'Sierra' (10.12), 'El Capitán' (10.11), 'Yosemite' (10.10), 'Mavericks' (10.9), 'Mountain Lion' (10.8), 'Lion' (10.7), 'Snow Leopard' (10.6), 'Leopard' (10.5) agus 'Tiger' (10.4).

Chun cló nua a shuiteáil in macOS, cliceáil ar dheilbhín an chló faoi dhó leis an luch; osclóidh bosca mar atá léirithe thíos. Le críochnú, buail an cnaipe ag bun an bhosca ar dheis a bhfuil Install Font air.

suiteáil

Cuirfear an cló i dtaisce i gceann nó eile de dhá áit, ag brath ar an réamhshocrú a roghnaíodh sa chlár darb ainm Font Book. Má socraíodh roimh ré go mbeadh clónna nua le fáil ag gach duine a úsáideann an ríomhaire, sábhálfar iad in:
      HD/Library/Fonts/
Ach más é an réamhshocrú a deineadh nach mbeadh clónna nua le fáil ach ag úsáideoir áirithe, cuirfear i dtaisce é in:
      HD/Users/UserName/Library/Fonts/
nuair is é 'UserName' ainm an úsáideora atá i gceist.

Thíos: mar a léirítear Bunchló sa Font Book a dháiltear le 'Leopard' (macOS 10.5).
Font Book

Thíos: mar a léirítear Dlúthchló sa Font Book a dháiltear le 'Yosemite' (macOS 10.10).

Font Book