Méarċlár le haġaiḋ macOS
Dáiltear macOS in éineacht le méarchlár bog darb ainm 'Irish-Extended' lenar féidir an cló Gaelach a scríobh. Is féidir na gutaí fada a aimsiú go héasca le 'Irish-Extended': ní gá ach 'option' (nó 'alt') agus an guta atá uait a bhualadh in éineacht. Ach tá sé níos deacra na consain shéimhithe a bhreacadh: caithfear 'option' (nó 'alt') agus 'w' a bhualadh roimh an gconsan atá le séimhiú. Thairis sin, níl aon bhealach éasca ann chun na foirmeacha inseacha de 'r' agus 's' a scríobh. Dá bhrí sin, tá méarchlár bog eisithe ag Gaelchló a ligfidh duit gach carachtar den chló Gaelach a scríobh gan stró.
|
|
Faigh an comhad macgael.zip ina bhfuil an méarchlár bog dar teideal 'Cló Gaelach'. |
Suiteáil an ṁéarċláir
1. Tá an méarchlár pacáilte i gcomhad comhbhrúite a bhfuil macgael.zip air agus méadóidh macOS an comhad sin go huathoibríoch chun fillteán darb ainm Keyboard Layouts a chruthú (mura dtarlóidh sé sin, cliceáil air macgael.zip lena mhéadú). Laistigh den fhillteán beidh dhá chomhad: Cló Gaelach.keylayout (an méarchlár bog) agus Cló gaelach.icns (deilbhín an mhéarchláir):
2. Téigh chuig Computer > Macintosh HD > Library > Keyboard Layouts agus sábháil an dá chomhad (Cló Gaelach.keylayout agus Cló gaelach.icns) ó chéim a haon sa bhfillteán. Beidh ort an pasfhocal a úsáideann tú don ríomhaire a chur isteach faoi dhó.
3. Téigh go dtí an roghchlár ag barr an scáileáin ar dheis, buail deilbhín an mhéarchláir agus roghnaigh Open Keyboard Settings, mar a léirítear thíos:
Osclóidh fuinneog cosúil leis an gceann thíos ar a dtaispeánfar liosta de na méarchláir bhoga atá le fáil ar an ríomhaire faoi láthair:
4. Buail an + beag in íochtar na fuinneoige ar chlé agus osclóidh fuinneog nua. Téigh síos go bun liosta na dteangacha agus roghnaigh Others mar atá léirithe thíos:
Roghnaigh Cló Gaelach agus Add. Cuirfear an méarchlár nua le liosta na méarchlár atá le fáil, mar atá léirithe thíos:
Buail an cnaipe a bhfuil Done air chun an fhuinneog a dhúnadh.
5. Téigh ar ais go dtí an roghchlár ag barr an scáileáin agus roghnaigh Cló Gaelach mar mhéarchlár oibre:
Beidh tú in ann aistriú idir na méarchláir éagsúla atá suiteáilte ar an ríomhaire (idir Irish, Irish-Extended agus Cló Gaelach sa sampla thíos) de réir mar a oirfidh ceann nó eile de na méarchláir don obair a bheidh idir lámha:
Cuireadh na treoracha thuas in oiriúint don leagan reatha de macOS ('Tahoe').
Úsáid an ṁéarċláir
Chun carachtar a scríobh le 'Cló Gaelach' ní gá ach luí ar an gcnaipe a bhfuil 'option' (nó 'alt') air agus cnaipe eile a bhualadh ag an am céanna. Mar shampla, chun an litir 'á' a scríobh, luigh ar 'alt' agus buail 'a'. Léiríonn an tábla thíos conas a scríobhtar na carachtair éagsúla.
| option (nó alt) in éineaċt le ... | Caraċtar |
| A | Á |
| a | á |
| E | É |
| e | é |
| I | Í |
| i | í |
| O | Ó |
| o | ó |
| U | Ú |
| u | ú |
| B | Ḃ |
| b | ḃ |
| C | Ċ |
| c | ċ |
| D | Ḋ |
| d | ḋ |
| F | Ḟ |
| f | ḟ |
| G | Ġ |
| g | ġ |
| M | Ṁ |
| m | ṁ |
| P | Ṗ |
| p | ṗ |
| S | Ṡ |
| s | ṡ |
| T | Ṫ |
| t | ṫ |
| r | ɼ |
| z | ſ |
| h | ẛ |
| 7 nó & | ⁊ |