Órchló GC

Tá Órchló GC bunaithe go dlúth ar an gcló a bhíodh le feiceáil ar an tsraith dheireannach de nótaí airgid na hÉireann roimh theacht an euro, ach is carachtair nua-dheartha iad na huimhreacha agus na comharthaí poncaíochta go léir. Leagan rialta, ingearach den stíl pheannaireachta ar a dtugtar an mhórpheannaireacht inseach is ea é.

Cló ornáideach is ea Órchló GC go príomha, ach d'fhéadfaí é a úsáid le haghaidh na gceannteideal i dtéacs freisin.

Eisíodh an chéad leagan d'Órchló GC sa bhliain 2001.

Tá Órchló GC códaithe de réir Unicode, an caighdeán idirnáisiúnta, agus tá na carachtair go léir ann léirithe anseo. Is féidir sampla de théacs a clóbhuaileadh leis an gcló seo a léamh má tá Acrobat Reader ar do ríomhaire agat.

Más mian leat an cló a úsáid le do ríomhaire pearsanta, faigh an comhad orgc.zip (23 KB) ina bhfuil Órchló GC, leagan 6.010, mar chló OpenType.

Más mian leat an cló a úsáid ar leathanach gréasáin, faigh an comhad orw.zip (20 KB) ina bhfuil Órchló GC, leagan 6.010, sa Web Open Font Format (WOFF2).